Overijssels Nieuws


Plaatsing  
 
08-03-2013  

Skriefwedstried GKV: ´n Gloepens Kort Verhaal

 

Riessen, 8 meert
’n Bekeanden schriever A. L. Snijders hef een niej soort verhaal oet-eveunden: het zkv, het zeer korte verhaal. Biej oetgewerieje AfDH van Paul Abels oet Eanske zeent al verschillende zkv-bundels oet-egewen van A. L. Snijders.
Fealijk is het zkv een heel mooi genre dat precies past biej dizze tied. Alns mut snel goan en flitsend. Wee les der nog een heel book achtermekoar oet?
Mer een Zeer Kort Verhaal kan der netuurlijk aaltied biej duur. Gin woonder det het zkv in korten tied heel populair is ewörden. Doar wille viej as Kreenk, Bodbreef en Twents-leefhebbers van metprofiteren.
Doarumme dizze wedstried. Schrief een gkv: een gloepens kort verhaal.
En dan bedoele wiej ook kort! 220 wöarde! Wiej zeent heel streng, a’j der oaverhen komt plaats iej oezelf boeten de wedstried.

Wat mu’j doon?

A. Schrief één of twee Gloepens Korte Verhalen van maximaal 220 wöarde.
B. Zet het antal wöarde der oonder.
C. Zet oew naam en oew dialect der ook biej oonder.
D. Vertaalt oew GKV in het Hollaands en gef oetleg van hele mooie dialectwöarde met ne voetnoot oonder oew verhalen.
E. Steurt oew verhaal + de vertaling noar dannenberg@twenthetekst.nl oonder vermeelding van GKV 2013

Iej köant insteuren tot 20 augustus 2013. Dan make wiej ne mooie selectie.
Wiej bekiekt of der een beukske van emaakt kan worden. In elk geval belegge viej nen gezelligen oawend in het noajoar in ergens in Twente en loa’w de beste verhalen vuurleazen. Dat wordt nen helen mooien oawend.

Priezen? Eeuwige roem netuurlijk! Met TwentseWelle zinne wiej al an ’t noadeanken oaver ne mooie pries.

’t Bestuur van ’n Kreenk, streektaalconsulent Harry Nijhuis (TwentseWelle) en de Stichting Twentaal.
 

Archief
Terug naar vorige pagina